DITAELO LE TSHEDIMOŠO
Lephephe le le arotšwe ka dikarolo tše THARO, e lego ya A, ya B le ya C.
KAROLO YA A: Ditaodišo 
KAROLO YA B: Ditšweletšwa tša tirišano tše telele 
KAROLO YA C: Ditšweletšwa tša tirišano tše kopana 
Bala dipotšišo ka tlhokomelo gore o se hlahlathe.
Araba potšišo e TEE fela karolong ye nngwe le ye nngwe.
Thoma potšišo ye NNGWE le ye NNGWE letlakaleng la YONA.
Ngwala ka bothakga le mongwalo wa go balega.
Taodišo e rulaganywe ka lenaneo la go swana le mmepe wa monagano goba lenaneo leo le ka go thušago go rulaganya. O tla fiwa meputso ya go rulaganya le palobohlatse.
Hlokomela morero le sebopego sa sengwalwa se sengwe le se sengwe go ya ka go fapana ga dinyakwa tša sona.
Dingwalwa ka moka di ngwalwe ka Sepedi.
KAROLO YA A: DITAODIŠO
POTŠIŠO 1
Kgetha e TEE ya dihlogo tše di latelago gomme o ngwale taodišo ya botelele bja mantšu ao e ka bago a 400 go iša go a 450.
Mošomo wa maphodisa ke go thibela bosenyi e sego go swara mahodu fela.
GOBA
Gopola ka manyami ao a ilego a hlolwa ke sefofane seo se bego se rwele batho ge se be se robagana.
GOBA
GOBA
Matšatši a maloba e bile ao a nthabišago. Ke a tshepa ke bile motho wa mahlatse, ke ka fao ke sa makalego ge ...''
GOBA
Dipapadi di na le khuetšo ye bohlokwa bophelong bja bafsa.
PALOMOKA YA KAROLO YA A:
KAROLO YA B: DITŠWELETŠWA TŠA TIRIŠANO TŠE TELELE
POTŠIŠO 2
Araba potšišo e TEE go tše nne tšeo di latelago. Botelele bja setšweletšwa sa gago e be mantšu a 180 go iša go a 200 (diteng fela).
Batswadi ba gago ba rulaganya gore o tle o nyale/nyalwe ke motswalago. Taba ye ga e go sware gabotse, o ikwa o hlakahlakane ebile o nyaka le go tšhaba gae. Ngwalela mogwera wa gago lengwalo o mo kgopele maele.
GOBA
Lekgotla la baithuti ba sekolo sa geno le tlile go swara kopano ya go itokišetša moletlo wa go keteka Letšatši la Setšo. Ngwala metsotso yeo e nago le lenaneothero la kopano yeo.
GOBA
Ngwala poledišano gare ga mongmošomo le mošomi yo a kgopelago kokeletšo ya mogolo ka go leka go bontšha mong wa gagwe ka moo maemo a infleišene a hlatlogilego ka gona.
GOBA
Bjalo ka yo mongwe wa badudi ba motse wa geno, ngwala memorantamo woo le tlogo o iša go mmasepala wa lena mabapi le melete yeo e sa lego e epša ka gare ga motse, ebile e šetše e fetile ka maphelo a bana ba babedi.
PALOMOKA YA KAROLO YA B:
KAROLO YA C: DITŠWELETŠWA TŠA TIRIŠANO TŠE KOPANA
POTŠIŠO 3
Araba potšišo e TEE go tše tharo tše di latelago. Botelele bja setšweletšwa sa gago e be mantšu a 100 go iša go a 120.
Le itokišetša go swara moletlo wa go keteka Letšatši la Ditokelo tša Botho. Thala postara/phoustara yeo e tlogo tšweletša melaetša ya tshedimošo ka ga bohlokwa bja letšatši leo.
GOBA
Thala poskarata yeo go yona o kganyogelago mogwera wa gago mahlatse le mahlogonolo letšatšing la gagwe la matswalo.
GOBA
Ngwala ditiragalo tša matšatši a mabedi ka gare ga pukutšatši mo o laodišago maitemogelo a gago mabapi le seo se sa go thabišago.
PALOMOKA YA KAROLO YA C:
PALOMOKA YA TLHAHLOBO:
